جي بي سي نيوز :- أحال المحامي العام الأول لنيابة شمال القاهرة الكلية المتهم بهتك عرض فتاة جامعية إلى الجنايات
جاء بأمر الإحالة أن المتهم هتك عرض فتاة جامعية بالقوة بأن باغتها إبان سيرها بالطريق العام وتحسس بيده مناطق حساسة بغير رضاها ملقيا الروع في نفسها واستمعت جهات التحقيق لأقوال المجني عليها وجاءت كالأتي:

نص أقوال الضحية :
س: ما هي تفصيلات ما حدث؟
ج: الي حصل أن أنا يوم الأحد اللي فات حوالي الساعة 7.30 صباحاً في شارع الباشا في شبرا القاهرة كنت رايحة اركب عشان أروح الجامعة ولاقيت حد صوته جاي من ورايا بيوصف جسمي من أسفل وبيقول ألفاظ وحشة وبعدها الصوت قرب ولقيته بيقولي سامحيني يا مزة ومسكني من جسدي من منطقة حساسه بايده فأنا جالي زي دهشة وصدمة فى نفس الوقت ولاقيته راكب موتسيكل وشفته من الجنب ومن ورا وعدى بالموتسيكل من جنبي وبصيت على بابا لأنه كان لسه سايبني من شوية ورايح المكتبة يجيب حاجات فملقتهوش وبعد كدا صرخت فى الشارع وهو ده كل الي حصل.

س: ما هي مظاهر القوة أو التهديد التي أتاها المتهم تجاهك؟

ج: هو مسكني من منطقة حساسه فى أسفل جسدي غصب عني.

س: وما مدى رضائك بشأن ما آتاه المتهم من فعل؟

ج: ده كان غصب عني طبعا مكنتش عايزة حد يلمسني.

س: وما هي الإصابات التي ترتبت على فعل المتهم؟
ج: محصليش أي إصابات

س: ما الأثر المترتب على ما آتاه المتهم من فعل إذا؟
ج: هو خدش حيائي باللي هو عمله لأن ده عيب ودي منطقة حساسة.

س: ما الفترة الزمنية التي استغرقها المتهم في الاعتداء عليك جنسياً ؟
ج: هو الموضوع حصل في حوالي ثلات ثواني