شاهد: ياسمين عز تحدث ضجة من جديد بحديثها عن الزوجات

جي بي سي نيوز :- أحدث الإعلامية و مقدمة البرامج ياسمين عز موجة من الجدل من جديد وذلك بعدما وجهت رسالة لمتابعينها وخاصة المتزوجات للحفاظ على بيوتهن، في برنامج "كلام الناس".

و قالت ياسمين عز: "للأسف في ستات كتير نسيوا أن الزواج ميثاق غليط، الموضوع مش سهل يا جماعة، وكلمة طلقني ماتتقلش على أتفه وأبسط الأمور والمشاكل، احنا بقينا بنسمع انه الستات بتتطلق عشان شوية ملح زيادة في الأكل، أو خناقة بسبب اختلافهم على إسم البنت".

و أضافت" خليكي واعية، بلاش تسمعي كلام وحدة تقولك اسمعي مني واعملي زي، افهمي جوزك وطبعه وامتصي غضبه ومتزعقيش وهو متعصب وأهم حاجة انه صوتك يبقى واطي، واقتنعي انه مهما حصل بينكم بالنهاية انتو ملكوش غير بعض، واعرفي انه احنا مش ملائكة ومفيش بيت بيخلى من المشاكل وكلنا فينا اختلافات".

و تابعت" أي خناقة أو مشكلة بتنتهي بعد نص ساعة بكلمة حلوة وقعدة حلوة والدنيا تهدا، فمتبقيش ودانية ومتديش ودانك لحد، هتتطلقي وكله هيتخلى عنك واخواتك مش هيقفوا معاكي واختك هتاخدك عبرة وصاحبتك اللي سخنتك على جوزك هتخاف منك على جوزها".

و اختتمت ياسمين عز حديثها، حيث قالت: "الست بتضلم وتعتم بعد الطلاق ومش بتنور ولا حاجة والنور اللي بجد لما تعيشي حياة طبيبعة بينك وبين جوزك ولا فيلر ولا بوتوكس هيخليكي تنوري لان الراجل هو اللي بينور ويطفي اسألي جوزك ايه مضايقك وامتى تبقى صاحبته وحبيبته".