ياسمين غيث تتحدث عن كفاحها ضد السرطان بعد 5 سنوات من العلاج

جي بي سي نيوز :- روت الممثلة المصرية ​ياسمين غيث​ عن تجربتها وكفاحها ضد مرض السرطان الذي شفيت منه منذ سنوات.

ونشرت صورة رصدتها خلال رفعها عبارة: “5 سنوات، تمكّنت من مرض السرطان”.

وأضافت غيث “خمس سنين حياة على كف عفريت زي ما بيقولوا.. اللي اتقال لي إن أول 5 سنين همه أكتر 5 سنين critical، ولازم نتابع علشان الـcancer مايرجعش”.

وقالت :”لسة مش مصدقة، مش عارفة حصل إزاي.. وعدوا بصعوبة.. قوي.. ولسه لغاية دلوقتي بفتكر، بنهار”.

الشعور بالخوف

وتتابع الممثلة المصرية:”بحلم بكوابيس إنه رجع تاني وبصحي أصرخ وأعيّط وأقول مش عايزة يحصل لي كدة تاني والنبي يا رب.”.

وأضافت :”بخاف، بعمل check up كل 6 شهور،and it never gets easier.. كل مرة نفس الإحساس ونفس الخوف… عدم إحساس بالأمان اللي كنت حاسة بيه زمان وواخداه for granted..  وكل”.

وأوضحت غيث أنه “كل مرّة الدكتور بتاعي يقول لي ما تخافيش، لو عدا أول خمس سنين من غير ما ييجي تاني يبقي بإذن الله مش هييجي تاني”

وأضافت “وجه اليوم ده، بعد خمس سنين، من يوم ٦/٩/٢٠١٦.. اليوم اللي عرفت فيه إني عندي سرطان واليوم اللي عملت فيه العملية واتولدت من جديد”.

وأردفت: “عديت بإيه؟.. عديت بحزن، ألم، وقت صعب، جنان وتشتّت، عدم سيطرة على مشاعري وتصرّفاتي، فقدان أمل، كره، حب، فرحة،”.

وكذلك :”تغيير، خناق، زعل، ناس بعدت.. قوي، وناس تانية قربت، وناس قربت وبعدين بعدوا، عصبيّة، غضب، عدم تقبّل لنفسي، أرق وعدم راحة، إحساس إني حد ماعرفوش.. اتغيّرت!”.

وأضافت :”بقيت أوجع وعندي قلم أكتر بس أقوي وواثقة من نفسي أكتر، بقيت بساعد غيري وبدي اللي حواليا أمل!..:”.

وتتابع :”حبيت كل حاجة أكتر من الأول ومسكت في الحياة أكتر وابني روح قلبي كان أملي إني أكمل وأعيش علشان ماكنتش قادرة أقبل فكرة إني ماشوفوش بيكبر”.

واختتمت كلامها بالقول: “ألف حمد وشكر ليك يا رب عدد كل حاجة خلقتها، ماهما شكرتك وحمدتك وعملتلك، عمره ما هيبقى كفاية! شكراً إني لسه عايشة وبعافر.. شكراً على أكبر نعمة في حياتنا، اللهم ديم علينا جميعاً يا رب نعمة الصحة، أصعب 5 سنين عدوا، فاضل 2 علشان أخلص بقية علاجي.. أيوه علاجي لمدة 7 سنين”.