منة فضالي: افتقد الزواج والإنجاب.. والكلاب لا تعوض الأطفال (فيديو)

جي بي سي نيوز:- أبدت الفنانة المصرية منة فضالي، ندمها على تأجيل خطوة الزواج حتى الآن، مشيرة إلى أنها تريد بناء أسرة وإنجاب أطفال.

وقالت منة في لقاء مع موقع “فوشيا”: “الفن بياخد من عمرنا، التحضير والتصوير واللبس والسفر، كان عندي وقت إني أتجوز، ولما قلت لا عاوزة أكمل ومش هبطل تمثيل كنت غلطانة، الأسرة والبيت أهم حاجة في الدنيا”.

وأضافت: “لما تخلفي وإنتي صغيرة بيبقى أفضل، لما تخلفي وإنتي عندك 24 سنة مثلا أفضل بكتير من الـ30”.

وتابعت: “أنا مفتقدة الزواج والأمومة، أنا بحب الأطفال أوي، أنا طفلة أصلا!، وبربي كلاب كتير وبحبهم أوي، بس طبعًا لا يمكن تعوض عن الأطفال”.

وأكملت: “الكلاب الحاجة الوحيدة الي هتحبك بدون أي مقابل، يعني بينبسطوا بوجودك وبيستنوكي ترجعي. ومش عاوزين أي طلبات، فأنا بشوف الكلاب دول أحسن حاجة في حياتي”.

وأردفت: “ممكن يكون الاختيار دلوقتي مش هيبقى حلو زي ما كان الأول (تقصد الزواج)، الزواج ممكن يبقى وقت وميكملش، في ظل ارتفاع نسبة الطلاق، يمكن الأول كان في استقرار أكتر والناس عاوزين يعملوا بيت وأسرة”.

وواصلت: “دلوقتي اللي بيتجوزوا بيزهقوا وعاوزين يطلقوا وبيكون في طفل، طب وبعدين؟!، نسبة التفكير في الزواج دلوقتي بقت 40 %”.

يذكر أن منة فضالي كشفت في وقت سابق، كواليس زواجها سرًا من الملحن محمد ضياء، والأسباب التي دفعتهما للانفصال بعد 6 أشهر فقط من الزواج.

وأوضحت: “ضربني مرة.. هو كان عنده اعتراض إني أكمل تمثيل وطول الوقت كان بيتخانق بسبب اللبس والخروج والحفلات، طبعًا دي حاجة تخصه لإنه رجل، بس أنا برضه ست بشتغل مينفعش يتقالي لأ لأ على طول”.

وأردفت: “كان بيخاف عليا جدًا وبيغير عليا جدًا وأنا بحترم ده بس مش طول الوقت”. لافتة إلى أنه شخص جيد جدًا وتجمعهما صداقة حتى الآن.

وأشارت إلى أنها خاضت تجربة حب أخرى لكنها لم تكلل بالزواج، موضحة: “كان هذا الشخص يكبرني بـ21 عامًا ومهتمًا بي دومًا، وأنا كنت صغيرة في السن”.