أبوها استعر من العيلة .. خالد عليش يكشف صلة قرابته بالمطربة العالمية بيلي إيليش

وكتب خالد عليش، في بيانه: «بخصوص ما تم تداوله من فترة على مواقع التواصل الاجتماعي، وبعد الحفاظ على اقصى درجات ضبط النفس حتى لا أخوض في أسرار تخص أهل بيتي حيث أن حياتي الشخصية حق أصيل لي، ولا يحق لأحد التدخل فيها وإبداء رأيه سلبا او إيجابا .. إلا أنه قد نفد صبري، خصوصا أن كل اللي بيتكلم مش عارف ولا فاهم حاجة بس بيظيط و خلاص!!».

وأضاف خالد عليش: «فعلا بيلي ايليش أختي "في الرضاعة".. أبوها يبقي إبن عم ابويا بس هما علي خلاف مع بعض عشان عمي أتجوز أمريكية وسما نفسه عبحميد ايليش بدل عليش واستعر من اسم العيلة»

وتابع عليش: «أنا مش فاكر أني قابلت بيلي غير مرة وإحنا في بيت عمتي الله يرحمها في الحلمية الجديدة، وهي بتحب تغني وترقص من زمان، ودلوقتي غنت "باد جاي" وربنا كرمها بقى في امريكا وأنا اللي لسه كحيان».

واختتم، قائلًا: «أنا لسه باعتلها صينية كنافة علي أمريكا في رمضان اللي فات، وبإذن الله كورونا تخلص بس ونلم الشمل من تاني .. ولهذا أرجو من السادة الصحفيين ورواد مواقع التواصل الاجتماعي تحري الدقة، عشان الكشري يحب الدقة».