بالصور – مي كساب تعلّق على أزمة غادة عبد الرازق.. وماذا قالت عن بكائها؟

جي بي سي نيوز:- علّقت الممثلة المصرية مي كساب على أزمة زميلتها غادة عبد الرازق، التي تعرّضت لهجوم عنيف بعدما ظهرت في بثٍ مباشر على "انستغرام"، أظهر صدرها عارٍ.

ونشرت كساب، عبر حسابها الرسمي على تطبيق" انستغرام"، صورة لعبد الرازق الى جانب ابنتها روتانا.

وكتبت: "انا عمري في حياتي ما باقول غير الحق ابويا رباني على كده ودي شهادة حق وواجب عليي لازم اعمله انا بقالي ١٧ سنة بأشتغل في المهنة دي مثلت تقريبا مع كل الوسط الفني. غادة عبد الرازق من اجدع وانظف الشخصيات اللي ممكن تشتغل معاها ست جدعة وأم حنينة جدا لبنتها الطيارة المحترمة روتانا قزاز انا اشتغلت معاها فيلم طول الوقت كانت حنينة وجدعة معايا ومع غيري بتحب شغلها بتحترم الصغير والكبير وفوق كل ده طبعا دي موهبة عظيمة وكبيرة استاذة وانا شاهدة انها مش بتعرف تنام غير لما تاخد دوا فعلا وناس كتير عارفة تأثير الدوا المهديء ده".

وأردفت: "ايه اعتذارك حاجة كبيرة ومحترمة منك ودموعك غالية جدا ما تضايقيش نفسك ربنا غفور رحيم وهوه ارحم من البشر بكتير وكل إنسان بيفهم ويرى بعينه هوه وانا عن نفسي صدقتك وفخورة بيكي ربنا يخليكي لبنتك وأحفادك وكل اللي بيحبوكي (انا مش عارفة ليه نوصل انسان انه يبكي بالشكل ده قدام ناس كتير ويبان مكسور كده من الفضيحة، احنا للاسف بننصب المحاكم لغلطات الناس وننسى نفسنا، بل بالعكس بنعصم نفسنا من الخطأ بغض النظر عن رأيك فيها، بغض النظر عن رأيي في الحصل ومنغير ما نحاسب ونحرم ونكفر، دي ممثلو قعدت سنين كتيير تقدم اعمال حلوة وناس كتير حبتها (حتى لو انت مش منهم) اه ممكن نعترض على الغلط بس مش بغلط اكبر، ممكن ننصح بس مش في العلن، خلينا ناخد الايه كاملة، مش ناخد نص الكلام بس".

وختمت: "ربنا برضه غفور رحيم وديننا دين اخلاق ومعاملة قبل اي حاجة، استروا بعض يا جماعة ربنا يستر علينا ويعفينا ويرحمنا من اي خطأ. من ستر مسلما ستره الله في الدنيا والآخرة، ومن فك عن مكروب كربة فك الله عز وجل عنه كربة من كرب يوم القيامة، ومن كان في حاجة أخيه كان الله في حاجته) الكلام اللي بين القوسين منقول من رنا رشيدي".