بالفيديو - ممثلة مصرية تتعرض للتحرش في سيارتها

جي بي سي نيوز :- كشفت الممثلة المصرية ​كارولين عزمي​ عن تعرضها للتحرش من قبل أحد الأشخاص أثناء قيادتها السيارة في إحدى الشوارع.

ونشرت عزمي مقطع فيديو للحادثة عبر صفحتها الخاصة على مواقع التواصل الاجتماعي وعلقت بالقول: "مساء الخير، أنا اللي يعرفني أو متابعني عارف إني شخص مالوش في المشاكل ولا عمري شاركت مشكلة تخصني سوشيال ميديا، باختصار النهاردة كنت في عربيتي وجنبي عربية فيها واحد كسر عليا، كل اللي عملتوا إني بصتله وبصيت قدامي فلقيته بيكرر نفس الحركة تاني بإستظراف، روحت طلعت الموبايل وعملت نفسي بصور عشان أخوفه وأخليه يبطل يضايقني".
وتابعت: "اتفاجأت وهو بيقولي بتصوريني يا بنت ... ساعتها اتخضيت وبدأت أصور بجد وإنتوا هتشوفوا في الفيديو الحركات اللي بإيده والشتايم، وبدأ يقولي تعالي ورايا والحقيقة إني مش عارفة أروح واره فين أو كان عايز يعمل إيه ولاني اتوترت وخوفت ساعتها مقدرش أصور ١٪؜ من اللي عمله الشخص ده".
وختمت حديثها بالقول: "أنا اتشمت واتهانت واتشمت بأهلي بأقذر الشتايم النهارده من حد معرفوش ولا عملتله حاجة ولا فتحت بوقي لمجرد إنه شخص مريض، أكيد الشخص ده أذى بنات كتير لأنه تقريبا متعود على الحركات دي ومتعود يخوفهم ومش همه حتى إنه يتصور ويتفضح، أنا عايزة حقي يرجعلي".
من جهة أخرى شاركت كارولين عزمي مؤخراً بالجزء الثالث من مسلسل "أبو العروسة" من بطولة ​سيد رجب​،​سوسن بدر​،​وفاء صادق​، و​نور محمود​.