رد غير متوقع من تامر حسني على أحمد السقا (شاهد)

جي بي سي نيوز :- رد الفنان المصري تامر حسني ردا مطولا على الاتهامات الموجهة اليه من أحمد السقا .

وأكد حسني أنه لم يكن يتمنى أن ينشر هذا الرد المطول، بسبب ظهور السقا في فيلم “الفلوس”.

وقال إنه من  حق الجمهور  أن يعرف الحقيقة طالما أن السقا وجه اتهاماته علنا عبر برنامج “السيرة”.

ونشر تامر حسني ردا مطولا عبر خاصية الاستوري بحسابه الشخصي على موقع انستقرام.

وأوضح فيه: حبيبي وأخويا وصديق العمر ونجم الدنيا كلها أحمد السقا، كنت أتمنى إنك تكلمني بيني وبينك.

وتابع : “لو كنت زعلان من أي حاجة أو فاهم أي حاجة غلط، لإن الحاجات دي لا يمكن تفوتك وأنا كنت أتمنى مكتبش الكلام دا هنا بس عشان بعد كلامك في التلفزيون، الجمهور الكريم بقى ليه حق إنه يفهم الصح”.

وأضاف: “عشان أفكرك بس، أنت كلمتني وقولتلي خبر في موقع وعليه صورة افتراضية للفيلم وكاتبين إنك بطل فيه”.

وأشار  تامر حسني أنه رد على أحمد السقا بقوله : “رديت عليك إن دي اجتهادات صحفية والصورة من تصميم المحبين اللي أكيد فرحوا بالخبر إننا مع بعض، حتى أنا مقولتش إن دي الشركة المنتجة لأنها شركة كبيرة لا يمكن تعمل كدا لأن الفيلم متباع للخارج والداخل باسم أخوك تامر حسني”.

وتابع : “وأصلًا أفيش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش وعلم من إيه الحقيقة كان ممكن تزعل لو الكلام دا نزل على صفحتي أو صفحة الشركة المنتجة.

وتابع قائلًا: وأنا شرحتلك دا من سنة واتكلمنا بعدها مرتين.

كان أولها  في عيد ميلادك والتانية بخصوص برنامجك لو كنت لسه زعلان كنت هتقولي ساعتها”.

وختم :”  أخيرًا بقى مستحيل الشركة تروج أو أنا أفوت أو اسمح باستخدام اسمك كبطل للفيلم وأنت مش فيه”.

وأرجع تامر السبب لانه سيعود بالضرر على الفلم  “كدا بنضحك على الناس”.

وأردف: ” أكيد يشرفني إن احنا نمثل مع بعض بطولة مشتركة لأنك حبيبي بجد ونجم أنا بحبه من قلبي فعلًا.

وعن مشاركته بمسلسل ولد الغلابة كضيف شرف الحلقة الأولى قال تامر: وبعدين يا حاج أحمد لما أنا جيتلك مسلسلك حصل اجتهادات كتير من محبينك الكرام.

شويه يقولوا المسلسل بطولتنا وشويه يقولوا لا دا ضيف شرف بس وأنت عارف إن عمري ما عملتها وطلعت ضيف شرف غير ليك.

وتابع: “دا أنت طلبتني أجي أصور الساعة 8 الصبح كنت عندك في نص ساعة عشان فكرة طلعت في دماغك فجأة.

وكنت بفرح باجتهادات محبينك ومحبيني حتى لو صورتي صغيرة أو كاتبين بطولة أو ضيف شرف كل دا مش فارق. لإني جيت أخدم صديق عمري. وأتمنى أي كلام يصب في مصلحة مسلسل أخويا وينجح ويكسر الدنيا، أنت حبيبي يا أحمد وصديق عمر عشان كدا أنا مش هزعل منك معلش طولت في الكلام لإن برضو زعلك يعز عليا.