رسالة مبكية من أم لابنها .. احد ضحايا سيول البحر الميت

جى بي سي نيوز  :- تداول رواد مواقع التواصل الاجتماعي رسالة كتبتها والدة احد ضحايا سيول البحر الميت .

وعبر النشطاء عن حزنهم العميق بكلمات الام ، داعين ان يلهمها الله الصبر والسلوان .

وتاليا ما جاء في رسالة الأم وفق مواقع التواصل ، و ان لم تكن رسالة الأم هي رسالة كل امهات ضحايا حادثة البحر الميت  :

 "كنت خايفه عليك من البرد حكيتلك خد معك جاكيت تغير الجو، بس ما كنت عارفه انه برد التلاجه وصقيعها اللي رح تنام فيه اليوم كل النار اللي بقلبي ما رح تدفيه، تلاجه بارده، معتمه، و انت بتخاف من العتمه كتير، انا لسا عم بستناك السما اليوم بكيت عليك كتير بس أنا لسا ما بكيت أنا عم بسمع الباب بيدق وعم بسمع صوتك وانت بتنادي علي وبتقلي يما رجعت! أنا بوعدك اليوم لو رميت شنطتك بنص الدار ودخلت ببوطك اللي كله طين علسجاد ما رح أصرخ عليك، اليوم انت كنت طالع تنبسط وأنا مسامحتك لو شو ما تعمل بس خليني أشم ريحتك و أتطلع بعيونك اللي بتوزع علدنيا كلها فرح، انت تأخرت كتير انا واخوتك وابوك علشباك بنستناك الدنيا برد وعتمه، صوت قلوبنا اللي بتصرخ وبتناديك أقوى من صوت كل العواصف اللي بره، سامعنا يا حبيبي احنا عم نستناك، طولت كتير".