Date : 23,10,2017, Time : 12:53:52 PM
5743 : عدد القراء حاليا
حالة الطقس
°C
Amman,Jordan
13
اليوم
العليا 22° الدنيا 12°
غداً
العليا 18° الدنيا 12°
أرسل خبر
آخر تحديث: الأربعاء 20 محرم 1439هـ - 11 أكتوبر 2017م 12:04 ص

شكراً مستر كوبر.. مع السلامة

شكراً مستر كوبر.. مع السلامة
عصام شلتوت

مبروك لمصر التأهل لمونديال روسيا بعد غياب 28 سنة، مبروك للغلابة فى البيوت وقدام الشاشات وعلى المقاهى وفى الاستاد طبعًا، مبروك للشباب اللى بكوا بعد ما الكونغو اتعادلت فى الدقيقة 86 من المباراة وقتلت الماتش تقريبًا، ومبروك لكبار السن اللى ارتفع عندهم الضغط والسكر طول الماتش، ومبروك للأمهات اللى كنا متعلقين بدعاهم وكلمة يا رب على لسانهم.

افرحوا وهيصوا يومين تلاتة عشرة، زيطوا فى الشوارع بالعربيات والموتوسيكلات، وارفعوا أعلام مصر الحبيبة، هنوا بعض وارجعوا اتلموا مع بعض حوالين بلادى بلادى، لكن لازم نعرف ونفهم إن الفوز اللى اتحقق بفضل دعا الوالدين وبركة الموهوب محمد صلاح مش لازم ينسينا الحقيقة، ومش لازم يخلينا نتجاهل الأخطاء الجسيمة اللى ارتكبناها، واللى نقدر نصلحها قبل ما نروح روسيا، بشرط إننا نتسلح بالشجاعة والروح العملية اللى تخلينا نبدى مصلحة بلدنا على أى اعتبار تانى.

هلا هلا ع الجد والجد هلا هلا عليه، أول حاجة لازم يعملها هانى أبوريدة واتحاد الكورة بعد صرف المكافآت لجهاز المنتخب واللاعبين، إنهم يجتمعوا مع مستر كوبر وجهازه المعاون، ويتفقوا معاه إن ماتش غانا الجاى فى ختام التصفيات هو ماتشه الأخير مع المنتخب، بكل ذوق واحترام، شكرًا يا مستر كوبر إنت أديت مهمتك وخدت مستحقاتك كاملة، لكن إحنا لينا حسابات وطموحات تانية فى المونديال أكبر من التمثيل المشرف، وخوض التصفيات والعودة من موسكو بالهدايا.
عيب أن يبقى طموحنا إننا ننهى شماتة وتلسين مجدى عبدالغنى بأنه صاحب الهدف الوحيد فى كأس العالم، عيب أن منتخبنا يبقى مرتعش ومش مركز وتايه فى الملعب وخايف من أصغر فرقة ممكن يقابلها، وعيب كمان إننا ما نشوفش غياب الروح والثبات فى الملعب، ونغطرش ونقول إن الكوتش اللى وصل الفريق للمونديال لازم يكمل معاه، غلط كبير إننا ما نعرفش إحنا عايزين إيه، أو نسيب مقدراتنا للعشوائية فى الإدارة.

كلكوا شايفين المنتخب والأداء الباهت فى جميع مبارياته، لأن الروح القتالية ناقصاه، والتناغم بين اللاعبين غايب، والخطوط مفككة، والفرص السهلة بتضيع، ومفيش حلول تكتيكية شايفينها فى الملعب، ومفيش أى بصمة للمدرب، اللهم إلا طريقة ارجعوا واتكربسوا فى نص ملعبكم، وده مش كلام إطلاقًا، إحنا محتاجين مدرب مصرى عنده فكر وروح وحاسم ومتحمس إنه يعمل حاجة، ويقدر يبنى فريق بسرعة، ويقدر كمان أن ينقل روحه القتالية للاعبين، والمواصفات دى مش موجودة حاليًا غير فى حسام حسن .

حسام حسن يقدر يفلتر المنتخب، ويختار اللاعبين المحليين الأفضل من بعض المحترفين، وعنده الشجاعة والقدرة والفكر الخططى اللى يقدر بيه يقطع شوط فى المونديال أبعد من التصفيات، وإنتو يا اتحاد الكورة عارفين الكلام ده أكتر من أى حد تانى، فملهاش لازمة المقاوحة فى الباطل أو المجاملة على حساب مصلحة البلد.. اللهم بلغت اللهم فاشهد.

  اليوم السابع المصرية  2017-10-11




مواضيع ساخنة اخرى

روسيا... كشف غطاء السرية عن دبابة جديدة
روسيا... كشف غطاء السرية عن دبابة جديدة
صور عبد الله أوجلان في الرقة تعيد للأذهان قضيته.. من هو؟
صور عبد الله أوجلان في الرقة تعيد للأذهان قضيته.. من هو؟
مسؤولون يكشفون دور سليماني في انسحاب الأكراد من كركوك
مسؤولون يكشفون دور سليماني في انسحاب الأكراد من كركوك
طبيب يروي تفاصيل صادمة لشهادات ناجين من هجوم الواحات
طبيب يروي تفاصيل صادمة لشهادات ناجين من هجوم الواحات
يعالون: يجب العودة للعمليات في سورية دون الإعلان عنها
يعالون: يجب العودة للعمليات في سورية دون الإعلان عنها
هذه هي الضرائب الجديدة التي سيدفعها اللبنانيون
هذه هي الضرائب الجديدة التي سيدفعها اللبنانيون
بالفيديو:المواطن الذي تعرض للاعتداء في البحرين يروي التفاصيل .."هذا اردني اضربوه"
بالفيديو:المواطن الذي تعرض للاعتداء في البحرين يروي التفاصيل .."هذا اردني اضربوه"
بالفيديو - موقف محرج يتعرض له ترامب.. في اجتماع رسمي
بالفيديو - موقف محرج يتعرض له ترامب.. في اجتماع رسمي
النظام السوري يعيد ترميم صنم " اللات " في تدمر
النظام السوري يعيد ترميم صنم " اللات " في تدمر
شاهد .. غرق باخرة ايرانية لنقل البضائع في الكويت
شاهد .. غرق باخرة ايرانية لنقل البضائع في الكويت
شاهد ..التفجير الانتحاري  قرب مركز قيادة شرطة دمشق
شاهد ..التفجير الانتحاري قرب مركز قيادة شرطة دمشق
شاهد .. احتضار أخ الزعيم الكوري الشمالي بعد اغتياله بالغاز
شاهد .. احتضار أخ الزعيم الكوري الشمالي بعد اغتياله بالغاز
شاهد بالفيديو : هكذا وقع عسكريون روس في الأسر في دير الزور
شاهد بالفيديو : هكذا وقع عسكريون روس في الأسر في دير الزور
كوريا الشمالية: مستعدون لسحق كل الاعداء
كوريا الشمالية: مستعدون لسحق كل الاعداء
آلاف الإيرانيين يتظاهرون ضد الحرس الثوري في إيران
آلاف الإيرانيين يتظاهرون ضد الحرس الثوري في إيران
راديو إسرائيل : 100 عنصر من داعش يشنون أكبر هجوم على الجيش المصري
راديو إسرائيل : 100 عنصر من داعش يشنون أكبر هجوم على الجيش المصري
  • لمزيد من الأخبار تواصل معنا عبر :
مواضيع شبيهة
يمكنك أيضا قراءة X

عظامهم بارزة ويموتون أمام أعين أمهاتهم.. أطفال سوريون يحاصرهم النظام بغوطة دمشق يقتلهم الجوع


اقرأ المزيد