بالفيديو ..انسحبت من مسابقة ملكة جمال مصر لأن “كله فوتوشوب”

جي بي سي نيوز:- أعلنت المرشحة بمسابقة ملكة جمال مصر “آية أشرف” انسحابها من المسابقة؛ بسبب اهتمامها بالجمال الظاهري.

وعلقت “آية” على الأمر عبر صفحتها الشخصية على “فيس بوك” قائلة: “ممكن يكون خبر مجنون بس أنا انسحبت من مسابقة ملكة جمال مصر، اللى كانت أقصى أحلامي لأسباب شخصية منها إنى لاقيت إن المسابقة دى ضد مبادئى والنوع ده من المسابقات اللى كان نفسى أدخله جدًا بيهتم بس بالجمال الخارجي وملوش أي علاقة بالجمال الداخلي، مقدرتش أقول لأختى الصغيرة Accept your flaws تقبلى نفسك حبى نفسك وانا بعمل وشى وجسمى كله Photoshopped”.

وتابعت: “أنا جميلة كدة ومحدش في العالم ده محتاج حد يقيم جماله وأعلن اعتراضى عن النوع ده من المسابقات الموجع نفسيا مكنتش هقدر استحمل أسبوع كمان كله غل وحقد وسواد عشان حتة حديدة شكرًا”.

وأضافت: “بنت مصر جمالها في روحها مش في شكلها وده شكلى قبل وبعد الفوتوشوب أظن الفرق واضح، ناس بتطلب منك تغيير في شكلك وشخصيتك وتطلب منك تخس ٣٠ كيلو وأنت جسمك صحى، تبقى مصطنع بيتكلموا عن الجمال مش أي حد يعرف يعنى إيه الجمال وده السؤال اللى جاوبت عليه في الإنترفيو ومتمسكة بيه جمالك في روحك واللى بتقدمه للناس”.

واختتمت آية أشرف مبررات انسحابها من مسابقة ملكة جمال مصر قائلة: “أي حد خسران في مسابقات كده متزعلش انت أكبر من الكلام ده بكتير”.

ومن جانبها كشفت إدارة المسابقة عبر صفحتها الرسمية على “فيس بوك” بعد إعلان المتسابقة انسحابها بعدة ساعات استبعاد بعض المتسابقات لعدم التزامهن بقوانين المسابقة.

كانت فعاليات مسابقة ملكة جمال مصر انطلقت خلال الأسبوع الحالي بمشاركة 24 فتاة في مدينة الاسكندرية.
بالصور.. آية أشرف تنسحب من مسابقة ملكة جمال مصر وتؤكد: كله فوتوشوب