ناهد السباعي ترفض الاعتراف بتفوق إيمي سمير غانم

جي بي سي نيوز:- رفضت الممثلة المصرية ناهد السباعي الاعتراف بعدم نجاحها في تجسيد شخصية “هبة” في مسلسل “هبة رجل الغراب”، وقامت عبر حسابها في موقع التواصل الاجتماعي إنستغرام، بنشر عدد من التعليقات المادحة من متابعيها على تجسيدها للدور.

وعلقت “ناهد” قائلة “ربنا وحده اللي يعلم قد إيه أنا تعبت قوي لحد ما شوفت الكومنتات دي، مفيش حد في الدنيا يستحمل إنه حتى وهو بيصوّر يتشتم في كل حتة حتى الشارع قدام كل الكرو، اكتئاب ورعب وقلق وقلة نوم وقلة أكل، مكنش فيه حد في الدنيا واقف جنبي غير أمي طبعا وأهلي وأصحابي”.

وأضافت “اللي يقولي حرام عليكي تعملي في نفسك كده، واللي يقولي إنت ممثلة جامدة ضيعتي كل اللي عملتيه، واللي شايف إني هفشل، واللي شايف إن النجاح الرهيب لـ”هبة” عمره ما هيرجع تاني، واللي يقولي إنت في مكانة جامدة في السينما دمرتي مستقبلك بـ”هبة”، دمار نفسي رهيب وأنا بصور”.

واختتمت حفيدة الفنان الكبير فريد شوقي قائلة “شكرا لكل الناس اللي وقفت جنبي، شكرا لكل فريق عمل “هبة رجل الغراب” من أول حد لأصغر حد استحمل معايا كتير ووقف جنبي وشجعني وآمن فيا، شكرا برضه لكل الناس اللي خلوني عندي تحدي كبير أني أثبت لهم عكس كلامهم، شكرا لأهلي وأصحابي وعلى راسهم أمي اللي شافت معايا أيام سودة.. شكرا حبيبتي لبعد نظرك وثقتك فيا”.

وكانت ناهد السباعي قد تعرّضت لحملة انتقاد كبيرة بسبب ما وصف بعدم نجاحها في تقديم شخصية “هبة”، التي سبق أن قدمتها في الجزءين الأولين من العمل الفنانة المصرية إيمي سمير غانم، قبل أن تغادر العمل مع معظم نجوم الجزءين، لتحل محلها ناهد السباعي التي لم تستطع تكرار نفس النجاح.