لأول مرة.. أحمد حلمي يطلب من جمهوره المساعدة

جي بي سي نيوز - بعد تعدد الحسابات المزيفة على مواقع التواصل الاجتماعي باسم الفنان المصري أحمد حلمي، قرر الفنان أن يتدخل بسبب المشاكل التي تسببها له هذا الحسابات.
حلمي طلب مساعدة جمهوره، وكتب على حسابه عبر «أنستجرام»: « مساء الخير عليكوا جميعااااا .. انا طالب منكم خدمه .. ودي اول مره اطلب فيها خدمه منكوا .. انا هاقولكوا ايه الموضوع ، في بعض الاصدقاء والصحافين الاعزاء كلموني وقالولي ان في اكاونتات كتيره منتحله شخصيتي وحاطين صورتي واسمي ، وطلبوا مني ارد علي الاكاونتات المزيفه دي لانهم بيتكلموا بلساني والناس بتصدق وبعض الناس بتشتم من غير حتي ما يتآكدوا اذا كانت الاكوانتات دي بتاعتي فعلا والا ، المهم انهم طلبوا مني ارد واوضح الصوره ، فانا لقيت نفسي بقولهم جمله قولتها قبل كده في احد مشاهد فيلم - الف مبروك - قولتلهم ” والله ما انا رادد” فضحكوا».
حلمي اضاف: «علشان كده ارجوكم اي حد يقابل في وشه اي اكونت يحمل اسمي او صورتي ياريت يتاكد انه حقيقي قبل مايتعامل معاه .. وللعلم انا معنديش اكونتات خالص مش مؤكده . كلها مؤكده بعلامة الصح الزرقاء .. الخدمه بقي اللي انا طالبها منكم ان اي حد يشوف اي اكونت منتحل اسمي وصورتي علي فيسبوك او تويتر او انستجرام انه (( يعمل معاه الصح )) وطبعا الصح الي انا اقصده انه ينصحه ويقوله ” كده كوخه “
طبعا انا اللي خلاني اطلب هوالحب العشم والله . شكراااااا جزيلاااااااا».
جمهور حلمي داعبه ببعض التعليقات الطريفة التي قالوا فيها إنه سيتخلصون منه على الفور بالقتل، وبعضهم طمأنه بأنهم سيكشفون عن هذه الحسابات.