أحمد السقا يرثي عروسين ماتا في سيارة زفافهما بالإسكندرية

جي بي سي نيوز-عبر الفنان المصري أحمد السقا،عن حزنه على وفاة عروسين في مقتبل العمر ليلة زفافهما في حادث مروع وهما في طريقهما إلى قاعة الزفاف بالإسكندرية.

السقا، نشر صورة العروسان عبر صفحته الشخصية بموقع «فيس بوك»، وعلق عليها قائلًا: «العريس اللي في الصورة ده اسمه أحمد حجازي، مهندس، ودي عروسته اسمها نيّرة، أخصائية تخاطب، الاتنين من برج العرب في إسكندرية، اللي بتصوّرهُم دي أخت العريس اسمها أماني، والصورة دي كانت في الكوافير أمبارح بليل قبل ما يطلعوا عالقاعة بتاعة الفرح».

وأضاف: «بعد ما خلّصوا الكوافير وهما في طريقهم مزفوفين للقاعة عملوا حادثه مروّعه عالطريق والعربية اتقلبت بيهم، العريس وعرُوسته ماتوا وأخت العريس نجت من الموت باعجوبة وهي في حاله خطره حاليًا».

وتابع: «نيّرة من 4 أيام بالظبط كتبت البوست ده عالفيسبوك بتاعها وقالت للناس: «إن شاء الله فرحى يوم الخميس 17 -9 وعقبال عندكم كلكم وافرح بيكوا كلكوا».

السقا، أعرب عن حزنه للحادث قائلًا: «مش متخيّل منظر أهلهم وصحابهم وكميّة القهر اللي في قلوبهم بعد ما كانوا قاعدين مستنيين وصولهم وفي انتظار دخولهم سوا من باب القاعة وسط الزغاريط وبوكيهات الورد فيقوم جايلهم خبر موتهم، الموت بقى أقرب لينا من أي حاجه، وبييجي في أي وقت حبيت الناس كلها تعرف قصّتهم عشان ندعولهم بالرحمة وندعي لأهاليهم وصحابهم بالصبر والثبات».

وأختتم تدوينته قائلًا: «ربنا يسامحهم ويغفر لهم وزي ما كانوا عايزين يكمّلوا حياتهم سوا في الدنيا يجمعهُم ببعض في الآخرة ويكملوا حياتهم الأبدية في مكان أحسن من هنا، في الجنة إن شاء الله ..ربنا يرحمهم ويرحمنا جميعًا».