فتاة تكشف ما فعله معها الراحل سامي العدل ماذا قالت؟

جي بي سي نيوز-:لم يمر سوى يومين فقط على وفاة الفنان سامي العدل؛ ليبدأ محبوه في تداول أهم مشاهده السينمائية والدرامية، وأبرز تصريحاته الفنية والشخصية، لكن فوجئ مستخدمو فيس بوك بكشف واحدة من جمهوره عن موقف إنساني له لا يعرفه أحد غيرها، حيث كتبت: "إنا لله وإنا إليه راجعون، ربنا يرحم سامي العدل ويسامحه ويغفر له، أنا قابلت سامي العدل مرتين في حياتي؛ أول مرة كنت معزومة على خطوبة حد من أصحابي وهو قريب العريس، وكان موجود جالي تليفون خرجت البلكونة أرد، وكانت أم مسكينة بنتها محتاجة عملية على الرئة، وبسبب ضيق اليد البنت حالتها كانت بتسوء ومفيش فلوس مع الأهل ومش عارفين يعالجوها على نفقة الدولة، فضلت أواسي الست وأقولها إني هحاول أساعدها في جمع مبلغ أو أحاول في إجراءات نفقة الدولة، خلصت التليفون لقيت سامي العدل الله يرحمه جنبي وبيعتذرلي إنه سمع بالغلط كلامي، وحابب يساعد الست دي بس حلفني إني مقولش إنه هو اللي ساعدها، وبالفعل تاني يوم قابلني واداني الفلوس، ودي كانت المرة الثانية اللي أشوفه فيها، وأكد عليا بردو إني مقولش إن هو، وقالي لو في حالة ثانية قابلتها أبقى أكلمه، بس من غير ما حد يعرف عشان ميكونش رياء مع ربنا، لكن جه الوقت اللي الناس تعرف فيه الوش التاني ليه؛ الله يرحمه ويجعل مثواه الجنة ويصبر أهله؛ اللهم آمين".