فيديو ريهام حجاج ترد على اتهامها بالغرور وتوضح ما حدث في العرض الخاص لفيلمها

جي بي سي نيوز - بعدما اتهمت الفنانة ريهام حجاج بالغرور بسبب رفضها التسجيل مع وسائل الإعلام في العرض الخاص لفيلمها الجديد " كرم الكينج" قامت ريهام حجاج بتوضيح حقيقة ما حدث في العرض الخاص، حيث نشرت فيديو يوضح تفاصيل الواقعة أثناء تصويرها مع وسائل الإعلام قبيل العرض، وفسرت ريهام في تديونة على حسابها الشخصي على موقع التواصل الاجتماعي فيسبوك أسباب مغادرتها للعرض الخاص وعدم مشاهدة فيلمها، حيث كتبت ريهام:

"الفيديو ده ممكن يوضح حقيقة اللي حصل امبارح في العرض الخاص لفيلم "كرم الكينج".. أنا كنت في حالة صحية صعبة جداً ورغم كده كان لازم آجي أحضر العرض مع زمايلي.. وحاولت استجمع قوتي وأسجل مع مراسلي القنوات التلفزيونية الموجودة.. لكن للأسف حصل تدافع بينهم وبين بعض تحول لمشاجرة أمام عيني و من غير أي انهيار و بمنتهي الأدب اعتذرت عن التسجيل لأن لا حالتي ولا الموقف و لا قلة التنظيم كانوا يسمحوا بأي كلام.. حاولت أشوف الفيلم لقيت القاعة ممتلئة بالكامل، وفعلا مكنتش أقدر أكمل من غير ما أقعد، فقررت ارتاح في مكان لحد ما أبقى أحسن وأقدر أروح.. صحيت الصبح لقيت أكتر من موقع كاتبين اني تعاليت علي فيلمي و ما حضرتوش للآخر في حين ان السبب حالتي الصحية.. أنا بس باطلب من أي حد قال عليا كده يتفرج على الفيديو ويحكم ضميره.. ويفكر يعني إيه تبقى طالع من المستشفى ومش قادر تقف لكن بتحاول تتعامل مع الناس باحترام.. وأتمنى من الصحف والمواقع يحاولوا بس يتفهموا الظروف الصعبة اللي ممكن الإنسان يمر بيها.. مش بنطلب منكم أي تلميع بالكذب، بس كمان حرام يبقى ثمن سمعة الإنسان شوية زيارات من ناس عايزة تقرا مشاكل وفضايح."