خناقة بين احلام وراغب على الهوا بعد خروج المتسابقة المصرية

جى بي سي - فى الحلقة النتائج من برنامج Arab idol ، نالت المتسابقتين صابرين النجيلى من مصر، و حنان رضا من البحرين اقل نسبة تصويت، و بالتالى خرجوا من البرنامج بعد رفض لجنة التحكيم منحهم بطاقة الانقاذ.

من ناحية تانية حصلت خناقة بين احلام وراغب علامة على الهوا، وبدأت الحكاية لما رفضت احلام منح بطاقة الانقاذ للمتسابقة المصرية صابرين رغم اعجابها بصوتها على حد تعبيرها، فى الوقت اللى وافق اللى فيه علامة على منح صابرين بطاقة الانقاذ، و كان رد احلام عليه "فيه شخص تانى هو الاراب ايدول وهو اللي يستحق نستخدم معاه بطاقة الانقاذ " وضافت "احنا ما هنبيض الطناجر"، و هنا قام راغب من مكانه و قال "انا ما ببيض الطناجر وهي بنفسها اثناء غناء صابرين اكدت على اعجابها بصوتها" ، اثرت احلام على موقفها وقالت انها مش هتدى لحد بطاقة الانقاذ، وتدخلت نانسي عجرم لتلطيف الجو وقالت "لو عندنا 12 بطاقة انقاذ هنرجع كل مشتركين Arab idol".